ანსამბლ „ბათუმის” სოლო კონცერტი ბორჯომში

კონცერტი მიეძღვნა ცნობილი ქართველი ფოლკლორისტის, ლოტბარის, ანზორ ერქომაიშვილის ხსოვნას.

 

ღონისძიებას აჭარის კულტურის მინისტრის პირველი მოადგილე, ვლადიმერ მგალობლიშვილი, სამცხე-ჯავახეთის მხარის სახელმწიფო რწმუნებულ იოსებ ალიბეგაშვილთან, ბორჯომის მუნიციპალიტეტის მერთან, მამუკა გელაშვილთან, სამხარეო ადმინისტრაციისა და ადგილობრივი ხელისუფლების სხვა წარმომადგენლებთან ერთად დაესწრო.

 

ანსამბლებმა მსმენელს მრავალფეროვანი მუსიკალური პროგრამა შესთავაზეს. შესრულდა ქართული ხალხური, ქალაქური და საესტრადო სიმღერები.