აჭარის მთავრობის თავმჯდომარემ ავტონომიური რესპუბლიკის სამინისტროებთან შეხვედრები გამართა

 

საუბარი შეეხო მთავრობის ძირითად პრიორიტეტებსა და ხედვებს. სულხან თამაზაშვილმა ხაზგასმით აღნიშნა, რომ უმოკლეს დროში ეფექტური პასუხი უნდა გაეცეს ყველა იმ გამოწვევას, რაც დღეს სამინისტროების წინაშე დგას. მთავრობის მეთაურმა დაავალა ყველა უწყებას, რომ მაქსიმალურად გახსნილი და ეფექტური გახდეს მოსახლეობასთან კომუნიკაცია, ასევე უმოკლეს ვადებში დასრულდეს მიმდინარე მნიშვნელოვანი პროექტები.

 

თავმჯდომარემ აღნიშნა, რომ მთავრობა მზადაა გუნდურად იმუშაოს თითოეულ სამინისტროსთან, რათა რეგიონში ყველა მიმართულებით პროგრესი იყოს კიდევ უფრო შესამჩნევი.