ბათუმის ზაქარია ფალიაშვილის სახელობის სამუსიკო სკოლას სასწავლებლის სტატუსი მიენიჭა

ახალი სტატუსით სასწავლებელს შეუძლია დანერგოს მართვის, სწავლების, მეთოდოლოგიისა და მოსწავლეთა პროგრესის შეფასების ინოვაციური მეთოდები, ასევე გამოიყენოს მსოფლიოს წამყვან მუსიკალურ სასწავლებლებში აპრობირებული სასწავლო პროგრამები.

დაწესებულების სასწავლებლად გარდაქმნა შექმნის საერთაშორისო თანამშრომლობის პლატფორმას, უზრუნველყოფს მასწავლებელთა და მოსწავლეთა პროფესიულ განვითარებას და ამ სახელოვნებო ინსტიტუტის ინოვაციურ საგანმანათლებლო ცენტრად ჩამოყალიბებას.