„მუსიკალური ბათუმი 2025“-ის ფარგლებში, გონიოს ციხის ტერიტორიაზე ანსამბლ „მართვეს“ კონცერტი გაიმართა

ანსამბლი მსმენელის წინაშე მრავალფეროვანი და საინტერესო პროგრამით წარდგა. საღამო ფოლკლორისტისა და ხელოვნების დამსახურებული მოღვაწის - ანზორ ერქომაიშვილის ხსოვნას მიეძღვნა.

ღონისძიებას ესწრებოდნენ აჭარის კულტურის მინისტრი ელისო ბოლქვაძე, ქალაქ ბათუმის მერის მოვალეობის შემსრულებელი გიორგი მურვანიძე, ხელისუფლების სხვა წარმომადგენლები და მოწვეული სტუმრები.

კულტურის მინისტრის ელისო ბოლქვაძის განცხადებით „მუსიკალური ბათუმი 2025“ პროგრამის მიზანია წელიწადის ოთხივე სეზონი დაიტვირთოს საინტერესო და მრავალფეროვანი კულტურული ღონისძიებებით, რათა რეგიონი კიდევ უფრო მიმზიდველი გახდეს ვიზიტორებისთვის და განვითარდეს კულტურული ტურიზმი.

ღონისძიება, ანსამბლ ,,რუსთავის” სამხატვრო ხელმძღვანელმა მიშო ჯავახიშვილმა გახსნა და აჭარის კულტურის მინისტრს მადლობა გადაუხადა ქართული ფოლკლორის ხელშეწყობისა და მხარდაჭერისთვის.