აჭარის კულტურის მინისტრმა ელისო ბოლქვაძემ, უწყებაში შემავალი სსიპ-ებისა და ააიპ-ების იურისტებთან სამუშაო შეხვედრა გამართა

შეხვედრაზე განიხილეს სამინისტროს სისტემაში შემავალი ორგანიზაციებისთვის მომზადებული სახელმძღვანელო სამართლებრივი დოკუმენტის პროექტი, რომელიც დისციპლინური წარმოების წესებს არეგულირებს.

 

შეხვედრის მონაწილეებმა პროექტის ძირითადი მიმართულებები და მისი პრაქტიკაში დანერგვის საკითხები განიხილეს. აღინიშნა, რომ ერთიანი სამართლებრივი ჩარჩოს შემუშავება ხელს შეუწყობს გამჭვირვალე და ეფექტიანი მმართველობის პროცესის უზრუნველყოფას, დისციპლინური გადაცდომების პრევენციას.

 

განხილვაში მონაწილეობდნენ სამინისტროს იურიდიული დეპარტამენტის წარმომადგენლები.