აჭარის კულტურის მინისტრის შეხვედრა „სტავროს ნიარხოსის“ ფონდის ხელმძღვანელთან, ათენში

გაცნობითი ხასიათის შეხვედრაზე მხარეებმა განიხილეს ურთიერთთანამშრომლობის საკითხები და ერთობლივი კულტურული პროექტების განხორციელების შესაძლებლობები. ისაუბრეს ერთობლივი კონცერტების ორგანიზებასა და ათენში, ბათუმელი მხატვრების ნამუშევრების გამოფენის მოწყობაზე.

აღნიშნული ფონდი ერთ-ერთი ყველაზე ინოვაციური და კულტურული ცენტრია ათენში, რომელიც მოიცავს ორ მნიშვნელოვან მიმართულებას - ეროვნული ბიბლიოთეკისა და ეროვნული ოპერის მართვას.

შეხვედრაში მონაწილეობდნენ საბერძნეთში საქართველოს საგანგებო და სრულუფლებიანი ელჩი ლევან ბერიძე, საელჩოს მრჩეველი ვარლამ ბაძაღუა და აჭარის კულტურის მინისტრის მოადგილე, ირმა აბულაძე.