აჭარის კულტურის სამინისტროს თანამშრომლებს საქართველოს ფინანსთა სამინისტროს აკადემიის სატრენინგო კურსის წარმატებით დასრულების სერტიფიკატები გადაეცათ

მოხელის მენეჯერული უნარების ტრენინგ კურსში მონაწილეობდნენ კულტურის სამინისტროს სტრუქტურული ერთეულების ხელმძღვანელები. კურსი მიზნად ისახავდა საჯარო მმართველობის სისტემაში მართვის თანამედროვე სტანდარტების დანერგვასა და პროფესიული და მენეჯერული უნარების გაძლიერებას.

სერტიფიკატები ასევე გადაეცათ აჭარის უმაღლესი საბჭოს, მთავრობის ადმინისტრაციის, ფინანსთა და ეკონომიკის, ჯანმრთელობისა და სოციალური დაცვის, განათლებისა და სპორტის და სოფლის მეურნეობის სამინისტროების თანამშრომლებს.

სერტიფიკატების გადაცემის ღონისძიებას, რომელიც აჭარის უმაღლეს საბჭოში გაიმართა, ესწრებოდნენ საქართველოს ფინანსთა მინისტრის მოადგილე, მიხეილ დუნდუა, ფინანსთა სამინისტროს აკადემიის დირექტორი ტარიელ ჭულუხაძე, აჭარის უმაღლესი საბჭოს თავმჯდომარე, დავით გაბაიძე, აღმასრულებელი და საკანონმდებლო ხელისუფლების სხვა წარმომადგენლები, ასევე სხვადასხვა ტრენინგ-კურსის მონაწილეები.