აჭარის მწერალთა სახლში იტალიელ მწერალთან – კლაუდიო პოცანისთან შეხვედრა გაიმართა

 

შეხვედრაზე, მონაწილეებმა მოისმინეს იტალიელი მწერლის ნაწარმოებების ორიგინალი ტექსტები და მათი ქართული თარგმანები.

 

ღონისძიებაში, ქართველ ავტორებთან ერთად, მონაწილეობდნენ მწერლები და მთარგმნელები თურქეთიდან, აზერბაიჯანიდან, ისრაელიდან, სომხეთიდან, ავსტრიიდან და ჩინეთიდან.

 

მწერალთა სახლში გამართულ შეხვედრას ესწრებოდნენ - აჭარის კულტურის მინისტრის პირველი მოადგილე ლადო მგალობლიშვილი, უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარის მოადგილე, პოეტი - დავით თედორაძე, საქართველოს მწერალთა კავშირის თავმჯდომარე მაყვალა გონაშვილი და აჭარის მწერალთა სახლის დირექტორი ლალი კონცელიძე.