ბათუმის თოჯინებისა და მოზარდ მაყურებელთა პროფესიულ სახელმწიფო თეატრს ახალი დირექტორი ჰყავს

შეხვედრაზე მინისტრის მოადგილემ ახალ დირექტორს პოზიციაზე დანიშვნა მიულოცა და შემოქმედებით გუნდთან ერთად, წარმატებები უსურვა.

სალომე ჯიჯავაძეს დამთავრებული აქვს თბილისი ილია ჭავჭავაძის სახელმწიფო უნივერსიტეტი, დრამის რეჟისურის სპეციალობით. მისი რეჟისორობით დადგმულია სპექტაკლები ბათუმის დრამატულ და თოჯინებისა და მოზარდ მაყურებელთა თეატრებში.

სალომე ჯიჯავაძის წარდგენას ესწრებოდნენ თოჯინების თეატრის ყოფილი ხელმძღვანელი, ამჟამად საზოგადოებრივი მაუწყებლის აჭარის ტელევიზიისა და რადიოს დირექტორი, ირაკლი კიკვაძე, კულტურის სამინისტროს წარმომადგენლები, თეატრის ადმინისტრაციის თანამშრომლები და მსახიობები.