ბათუმის სახელმწიფო დრამატულ თეატრში, 147-ე თეატრალური სეზონის მესამე პრემიერა გაიმართა

ნიკოლაი გოგოლის პიესა მსოფლიო დრამატურგიის ერთ-ერთ მნიშვნელოვან ნაწარმოებად ითვლება. მისი ახალი სასცენო ინტერპრეტაცია რეჟისორ გიორგი კაშიას ეკუთვნის, ტექსტის ადაპტაციის ავტორია ვალერი ოთხოზორია.

სპექტაკლში მონაწილეობენ ბათუმის სახელმწიფო დრამატული თეატრის მსახიობები და მოწვეული ხელოვანები.

საპრემიერო ჩვენებას ესწრებოდნენ აჭარის კულტურის მინისტრი, ელისო ბოლქვაძე, განათლებისა და სპორტის მინისტრი, მაია ხაჯიშვილი, აჭარის მთავრობის თავმჯდომარის მეუღლე, თამარ ნარიმანიძე, კულტურის სამინისტროს წარმომადგენლები, მოწვეული სტუმრები და თეატრის მოყვარულები.

სპექტაკლმა მაყურებლის მოწონება და დადებითი შეფასება დაიმსახურა.

მორიგი საპრემიერო ჩვენება 19 აპრილს გაიმართება.